Psalms 101
David phuah. Phatna-la khat.
1 Na itna le na thutang la-in ka sa ding hi; aTOPA aw, phatna la nang kong sak ding hi.
2 Paubaang lo-a ka nuntak nadingin ka kidawm ding hi - b
cik ciangin kei kiangah hong pai ding na hi hiam?
Lungsim paubaang loin c
ka inn sungah ka kalsuan ding hi.
3 A sia na khatpeuh
ka mitsuan lo ding hi. d
Upna neilote nasepte ka mudah hi; e
amaute in kei hong beel kei ding uh hi.
4 A lungsim kawi mi kei tawh kigamla dinga; f
gitlohna tawh ka kisawhkha kei ding hi.
5 A vengte a gensia sim peuhmah g
ka daisak dinga;
kiphatsak mithah a, lungsim kisatheite h
ka thuak kei ding hi.
6 Gam sunga mi muanhuaite tungah ka mit tu dinga,
kei tawh tengkhawm thei ding uh hi;
paubaang lo a kalsuan mi in
ka na a sem ding uh hi. i
7 Khemna a zang mi khat beek
ka inn ah teng lo dinga;
zuauphuakte khat beek ka mai-ah
a ding kei ding hi.
8 Gam sunga migilote khempeuh
zingsang simin ka daisak dinga; j
gilo-a gamta khempeuh
TOPA’ khuapi panin ka khenkhia ding hi.
Copyright information for
ZomZIV